Лига 1. ПСЖ муддатидан олдин чемпионликни ҳал қилди

Франция чемпионатининг 31-турида ПСЖ чемпионликни "Гавр"га қарши ўйинда ҳал қилиши мумкин эди, лекин парижликлар мазкур баҳсда ғалаба қозона олмади ва бу амалга ошмади. Аммо Энрике шогирдларига "Лион" ёрдамга келди, яъни "Монако"ни мағлуб қилиб, 3 очкони қўлга киритди. Шу билан бирга, иккинчи ўринда бораётган монаколикларни ҳам ПСЖга етиб олиш имкониятни ёққа чиқарди. Бу эса Париж жамоасини муддатидан олдин кубокни қўлга киритганини англатади. 

ПСЖ ўз тарихида ўн иккинчи марта Лига 1 чемпиони бўлди. Ушбу совринга клуб сўнгги ўн йил ичида саккизинчи марта эришмоқда. Мбаппе ва унинг дўстлари Франция кубоги ва Чемпионлар лигасида ҳам ўз юришини давом эттиришмоқда. Жамоа 26 май куни "Лион"га қарши финалда тўқнаш келса, ЕЧЛ ярим финалида "Боруссия" билан ўйнайди. 

Килиан сўнгги мавсумида францияликларни чиройли тарзда тарк этишни истайди. Ал-Ҳелайфи учун требьлдан яхшироқ совға бўлмаса ҳам керак.